ПОДЕЛИТЬСЯ
Алматы әкімі Ерболат Досаев Алмалы ауданының тұрғындарымен кездесу барысында жол қозғалысын басқару орталығын құру туралы айтты,- деп хабарлайды Tengrinews.kz тілшісі.
Досаевтың айтуынша,Алматыдағы 585-ке жуық бағдаршам кешенінің тек 91-і ғана барлық стандарттарға сәйкес келеді.
"Биыл барлық бағдаршам кешендерін жаңарту,біріктіру және Алматыда бұрын-соңды болмаған жол қозғалысын басқару орталығын құру бойынша ауқымды жұмысты бастаймыз. Қазіргі уақытта бұл функциялар Алматы полиция департаментіне бекітілген,бірақ ІІМ полиция департаменті қауіпсіздікке жауап береді,ал жол қозғалысын басқарумен әкімдік айналысады дегенді қабылдады. Біз осы ауқымды жобаны дайындап жатырмыз және оны күзде бастауды жоспарлап отырмыз. Қажеттілік те,мүмкіндік те бар. Қозғалысты басқару мен жаяу жүргіншілерге арналған бағдаршамдарға қатысты мәселелер шешіледі деп үміттенемін",– деді Алматы әкімі.
